Jab Hum Chotay Hotay Hain To Bara Ban’nay Ka Kitna Shauq Hota Hay Na? Laikin Baray Honay Par Pata Chalta Hay Ke Ye To Hamary Sath Scam Ho Gaya. Real Life Problems Ko Face Karna Aur Unhain Solve Karna Aasan Kaam Nahi. Haan! Agar Aap Ye 5 Life Rules Apna Lain To Buhat Say Problems Solve Ho Saktay Hain.
1. Regular Workout
Haftay Mein Minimum 3 Baar Workout Karain, Jawani Aur Us Kay Baad Aanay Walay Zyada-Tar Jismani Maslay Hal Ho Jaen Gay. Warzish Aap Ko Sehatmand Bananay Mein Madad Deti Hay. Is Say Aap Ko Kai Jismani Problems Say Nijaat Milay Gi Aur Jism Fit Aur Energized Rahay Ga.
2. Chadar Dekh Ka Paon Phelain
Ye Baat To Aap Nay Zarur Baron Say Suni Hogi Ke Chadar Dekh Ka Paon Phelana Chahiyen. Laikin Aajkal Aisa Karna Zara Mushkil Hay, Peer Pressure Aur Show-Off Culture Nay Hum Say Buhat Kuch Karwa Deta Hay. Laikin Yaad Rakhain, Agar Aap Nay Ye Usool Apni Zindagi Mein Achi Tarah Apply Kardia To Life Kay Buhat Say Financial Problems Solve Ho Jaen Gay.
Waisay Is Kay 3 Levels Hain:
Noob: Koi Cheez Us Waqt Tak Na Khareedain, Jab Tak Aap Kay Paas 2 Baar Khareednay Kay Paisay Na Hon. Mushkil Lag Raha Hay? Abhi To Ye Pehla Step Hay.
Pro: Agar Koi Cheez Aap Ki 10 Percent Monthly Income Say Zyada Ki Ho, To Na Khareedain. Yani Agar Aap 50,000 Kamatay Hain To 5 Hazar Say Zyada Ki Koi Cheez Nahi Khareedain Gay. Mood Off Ho Gaya? Abhi To Legend Level Baqi Hay.
Legend: Jo Cheez Aap Ko Kama Kar Na Day, Usay Na Khareedain. Agar Aap Ka New Laptop Max. 2 Months Mein Apni Qeemat Nahi Nikaal Sakta To Usay Buy Na Karain.
Agar Aap Nay Ye Rules Apni Life Par Apply Kar Diay To Yaqeen Karain Buhat Say Financial Problems Say Bach Jaen Gay.
3. Love What You Do Or…
Passion Kay Baghair Kaam Karna Aisa Hay Jaisay Baghair Bhook Kay Khana. Aisa Koi Bhi Kaam, Jo Aap Ko Pasand Na Ho, Sakht Stress Balkay Depression Ki Taraf Lay Ja Sakta Hay. Steve Jobs Nay Kaha Tha Ke “The Only Way To Do Great Work Is To Love What You Do.” Phir Chahay Wo Aap Ki Job Ho Ya Business. Waisay Love What You Do Kay Ilawa Aik Doosra Raasta Bhi Hay 'Do What You Love.' Kya Khayal Hay?
4. Friends, Not Followers
Followers Aur Fans Nahi, Real Life Mein Real Friends Banayen, Asli Dost. Ye Wo Qeemti Log Hotay Hain Jo Aap Ko Kamyab Dekhna Chahtay Hain, Aap Ko Har Mushkil Say Nikaaltay Hain Aur Aap Ko Kamyab Hotay Dekh Kar Waqai Khush Hotay Hain. Yahi Nahi Balkay Aap Ko Apna Goal Haasil Karnay Mein Madad Bhi Detay Hain. Aur Agar Aap Aur Aap Kay Doston Kay Goals Same Hon To Kya Hi Baat Hay!
5. Second Income Source
Agar Aap Apni Mojouda Income Say Apnay Saray Goals Haasil Nahi Kar Patay To Extra Income Ka Koi Sources Banayen. Koshish Karain Ye Aisa Source Ho Jo Aap Ko 24/7 Kama Kar Day Sakay, Maslan Online Business Ya Investment.
Waisay Business Karnay Ka Program Hay? To Ye Ideas Dekhain. Aur Agar Freelance Kuch Karna Chahtay Hain To Is Kay Liay Bhi Kuchh Ideas Yahan Diay Gaey Hain.