Kia Aap Jantay Hain Kay Cricket Mai Boxing Bhi Hoti Hai. Aray Nahi, Yeh Woh Punches Wali Boxing Nahi Balkay 26th December Ko Honay Walay Test Matches Boxing Day Test Kehlatay Hain. Is Kay Ilawa Bhi Boxing Day Ki Sports Main Aik History Hai Aur Is Day Per Honay Walay Sports Event House Full Hi Rehtay Hain.

Boxing Day Hota Kia Hay?

Christmas Ka Agla Roz Yani 26th December Chutti Ka Din Hota Hay Aur Boxing Day Kehlata Hay. Kyunke Is Din Aam Toar Per Servants Aur Employees Ko Gift Box Miltay Thay Aur Ye Shopping Holiday Hota Tha. Is Din Ka Origin Great Britain Hay Aur Yeh Her Us Country Main Manaya Jata Hay Jo Pehlay British Empire Ka Part Thay.

Boxing Day Per Catholic Holiday, Saint Stephen’s Day Bhi Hoti Hay. Europe Kay Kuch Parts Aur Regions Main Saint Stephen’s Day 26th December Ko Hi Manaya Jata Hay.

UK Main Boxing Day Events

United Kingdom Main, Yeh Traditional Event Hota Hay Kay All Top-Tier Football Leagues Jo Kay England, Scotland, Aur Northern Ireland Main Hoti Hain, Yani Premier League, Scottish Premiership, Aur NIFL Premiership, In Kay Muqablay Hotay Hain. Is Kay Ilawa Rugby Leagues Kay Matches Bhi Is Day Per Schedule Hotay Hain.

England Ki County Surrey Main, Is Din Per King George VI Chase (Horse Race) Ka Event Buhat Popular Hay. International Ice Hockey Federation World Junior Championship Bhi 26th December Say Shuru Honay Ka Tradition Moujoud Hay.

Australia Main Boxing Day

Boxing Day Per, Australia Main Sydney To Hobart Yacht Race Bhi Hoti Hay. Phir Approx. 150 Years Phelay, 1865 Main Melbourne Cricket Ground (MCG ) Main Pehli Baar Boxing Day Match Khela Gaya. Yeh Sheffield Shield Trophy Ka Match Victoria Aur New South Wales Kay Darmiyan Khela Gaya Tha. Ab Her Saal 26th December Ko Australia, New Zealand Aur South Africa Mein Test Matches Shuru Hotay Hain.

Pakistan Ka Pehla Boxing Day Test

Is Bar New Zealand Ki team Pakistan Kay Tour Per Aai Hay Aur Series Ka 1st Test Match Karachi Main 26th December Say Shuru Hua Hay. Yani Ye Pakistan Ki Cricket History Ka Pehla Boxing Day Test Ban Gaya Hay.

Agar Australia main dekhain to Pakistan Cricket Team Ab Tak Boxing Day Per 4 Test Matches Khel Chuki Hay. Pehla Pak-Australia Boxing day Test 1983 Main Melbourne mein khela gaya tha, jo Draw Hogaya Tha.

Pakistan Nay 2004 Main Doosri Baar Australia Main Koi Boxing Day Test Match Khela. Yeh Match 9 Wickets Say Australia Kay Naam Raha. Phir 2009 Main Bhi Pakistan Aur Australia Ka Boxing Day Test Match 170 Runs Say Host Team Hi Jeeti. 2016 Kay Test Match Main Kangaroos Nay Pakistan Ko Innings Aur 18 Runs Sai Haraya.

Pakistan Ab Next Year, 2023 Main, Australia Kay Against MCG Main Boxing Day Test Match Khelay Ga.

Share.

Leave A Reply