India Kay Ace Spinner Ravichandran Ashwin Aik Real Gentleman Hain. Jeet Kar Bhi Ghuroor Nahi Kartay, Apnay Mukhalif Ko Bhi Due Credit Daitay Hain Aur Us Ki Bhi Tareef Kartay Hain.

Apni New Youtube Video Main Unhon Nay Kaha Hay Ke Pak-India Match Main Itna Zabardast Muqabla Ho Nahi Sakta Tha, Agar Pakistan Itna Achha Na Khelta.

Ashwin Kehtay Hain Ke Pakistan Cricket Nay Pichhlay Kuchh Saalon Main Buhat Improve Kia Hay. Babar And Co. Aik Behtareen Squad Hay.

Unhon Nay Specially Haris Rauf Aur Naseem Shah Ki Buhat Tareef Ki Aur Kaha Ke Shaheen Afridi Ka First Spell Khatam Honay Kay Baad Hum Zara Relax Ho Gaey, Laikin Yahan Haris Nay Zabardast Spell Karwaya. Kia Kamal Team Hay Pakistan Ki! Last 4 Saalon Main Hum Jab Bhi Un Say Khelay Hain, Unhain Aur Mazboot Team Dekha Hay.

36 Saal Kay Ashwin Kehtay Hain Ke Pakistan Buhat Achhi Cricket Khel Raha Hay. Aur Aisay Shandar Match Kay Liay Opponent Bhi Waisa Hi Chahiye Hota Hay. Us Din Haris Aur Naseem To Pro Banay Huay Thay.

Sunday, 23rd October Ko Haris Rauf Nay Apnay First Over Main Hi Rohit Sharma Ko Out Kardia Tha Aur Baad Main Suryakumar Yadav Ki Important Wicket Bhi Li. Naseem Shah Pehlay Hi KL Rahul Ko Out Kar Chukay Thay. Laikin Yahan Par Virat Kohli Nay Probably ‘Greatest Ever T20 Innings’ Kheli. India Ko Last Over Ki Last Ball Par Jeet Mili, Jab Ashwin Nay Hi Winning Run Banaya.

Share.

Leave A Reply