Pakistan Super League Ki History Mein Sirf 7 Matches Aisay Hain Jin Mein Koi Team Sirf 1 Run Say Jeeti Ho. In Mein Say 3 Matches QG vs PZ Kay Hain. First 3 Seasons Mein Har Saal Hamain Donon Teams Ka Aik Na Aik Aisa Crunch Match Dekhnay Ko Mila Hay Yani Asal Rivalry To In Donon Ki Hay. Is Liay PSL 2023 Mein In Kay Muqablay Ka Asal Cricket Fans Ko Bari Shiddat Say Intezar Tha. Finally Wo Din Aaya Aur Aik Mazedar Muqablay Kay Baad Peshawar Zalmi Kay Naam Raha.
Pakistan Super League 2023
Karachi Kings vs Lahore Qalandars
20 February 2023
National Stadium, Karachi, Pakistan
Result: Peshawar 4 Wickets Say Jeet Gaya
| QG | 154-4 | |
|---|---|---|
| Iftikhar Ahmed | 50 (34) | |
| Sarfaraz Ahmed | 39 (30) |
| PZ Bowling | O | M | R | W |
|---|---|---|---|---|
| Usman Qadir | 4 | 0 | 26 | 2 |
| James Neesham | 4 | 0 | 28 | 1 |
| PZ | (T:155) | 157-6 |
|---|---|---|
| James Neesham | 38 (23) | |
| Rovman Powell | 36 (23) |
| QG Bowling | O | M | R | W |
|---|---|---|---|---|
| Mohammad Hasnain | 4 | 1 | 13 | 3 |
| Naseem Shah | 4 | 0 | 19 | 1 |
Quetta Gladiators Depend Kar Raha Tha Last Match Kay Hero Martin Guptill Par, Laikin Ye Threat Zalmi Ka Kuch Nahi Bigaar Saka. Pehlay 2 Overs Mein Sirf 1 Run Bana Aur Yaheen Say Momentum Peshawar Kay Haq Mein Shift Ho Gaya. Powerplay End Hua Guptill Ki Wicket Kay Sath Jab Scoreboard Par Thay Sirf 28 Runs. Next Over Usman Qadir Ki Aik Perfect Googly Nay Jason Roy Ka The End Kardia.
Is Buhat Slow Aur Disastrous Start Say Team Quetta Ko Nikalnay Kay Liay Sarfaraz Ahmed Khud One Down Aaey. Laikin Wo Bhi Kuch Na Kar Sakay. 'Saifi' Nay 30 Balls Par Sirf 39 Runs Banaey Jabke Iftikhar Ahmed Ki 34 Ball 50 Hi Quetta Ko 154 Kay Respectable Total Tak Lai.
Jab Aap 10 Overs Mein Sirf 42 Runs Banayen To 154 Ko Aik Acha Total Kehna Chahiye. Last 5 Overs Mein Gladiators Nay 61 Runs Ka Izafa Kia. Wo Alag Baat Ke Phir Jaan Lara Kar Bhi Aap Jeet Nahi Sakay.
Zalmi Ka Jawabi Waar
8th Over Mein 67 Par Peshawar Kay 4 Out Karkay Quetta Kafi Hadd Tak Damage Control Kar Chuka Tha Laikin Rovman Powell Aur James Neesham Nay 5 Overs Mein Jo 46 Runs Add Kiay Wo Zalmi Kay Liay Buhat Crucial Sabit Huay.
Hasnain Aur Naseem Nay Apnay Last Overs Mein To Kamal Hi Kardia. Innings Kay 16th Over Mein Naseem Shah Nay Sirf 2 Runs Diay Aur 17th Hasnain Nay Maiden Phenka Laikin Us Kay Baad Chiragon Mein Roshni Na Rhi.
Quetta Kay Paas Last 3 Overs Mein 19 Runs Defend Karnay Kay Liay Aisa Koi Bowler Nahi Tha. Faida Uthaya Dasun Shanaka Aur Wahab Riaz Nay Aur 19th Over Mein Hi Qissa Khatam Kardia.
Fast & Furious Hasnain Aur Naseem
Is Match Mein Pakstanion Nay Wo Dekha Jo Humain Buhat Pasand Hay: Fast Bowling Ka Fierce Display. Mohammad Hasnain Aur Naseem Shah Nay Jo Bowling Ki, Usay Losing Cause Mein Jata Dekhna Afsos-Naak Tha.
Hasnain Nay Apnay 4 Overs Mein Sirf 13 Runs Day Kar 4 Out Kiay, Jin Mein Saim Ayub Ko 0 Par LBW Karna, Mohammad Haris Ki Wicket Aur Phir Khatarnaak Tom Kohler-Cadmore Ko Out Karna Shamil Tha. Naseem Nay Aik Wicket Li Laikin Thi Dekhnay Kay Laiq. Unhon Nay Buhat Crucial Stage Par Rovman Powell Ko Inswinging Yorker Par Clean Bowled Kia.
Youn Pakistan Kay Current Captain Babar Azam Ki Team Nay Sabiq Kaptaan Sarfaraz Ahmed Ko Hara Dia. Khair, Abhi Donon Teams Ko 2nd Round Khelna Hay. Badlay Ka Mauqa Milay Ga Laikin Us Say Bhi Zyada Hamain Intezar Hoga Hasnain Aur Naseem Kay Aik Aur Aisay Hi Bowling Display Ka.
Pakistan Super League Points Table
20 February 2023
| M | W | L | PT | NRR | |
|---|---|---|---|---|---|
| 🟦 MS | 4 | 3 | 1 | 6 | 2.107 |
| 🟨 PZ | 3 | 2 | 1 | 4 | -0.632 |
| 🟦 KK | 4 | 1 | 3 | 2 | 0.499 |
| 🟥 IU | 2 | 1 | 1 | 2 | -0.832 |
| 🟪 QG | 3 | 1 | 2 | 2 | -1.069 |
| 🟩 LQ | 2 | 1 | 1 | 2 | -1.650 |