Jawani To Deewani Hoti Hay, Masti Kay In Dinon Main Hum Apni Sehat Ko Bhi Buhat Ignore Kartay Hain. Aisa Nahi Ke Aap Gym Nahi Jana Chahtay, Laikin Motivation Nahi Milti. Is Liay Aap Ko Healthy Habits Kay Liye Kisi Push Ya Inspiration Ki Zarurat Hoti Hay Takay, Jis Say Aap Ka Aik Healthy Routine Ban Sakay.

Trigger Yourself

Agar Aap Daily Morning Walk Per Jatay Hain To Aap Ko Chahiye Kay Raat Ko Sonay Say Pehlay Apnay Sneakers Bed Kay Nazdeek Rakh Lain. Subha Aankh Khultay Hi Aap Ki Pehli Nazar Un Per Paray Gi To Aap Ko Khud Yeh Motivation Milay Gi.

Isi Tarah Aap Khud Ko Trigger Kar Saktay Hain Paani Penay Kay Hawalay Say. Sehat Mand Zindagi Kay Liye Paani Buhat Zaruri Hay. Hum Akser Apnay Tough Schedule Ki Waja Say Paani Penay Main Kotahi Ker Daitay Hain. Ager Aap Aisa Koi Alarm Set Kerdain Kay Har 2 Hours Baad Aap Ko Paani Peena Yaad Dila Day. Aisa Kernay Say Aap Unintentional Dehydration Say Bhi Bachay Rahain Gay.

Phir Ghar Main Gym Ya Treadmill To Ho, Magar Usay Use Kernay Ki Motivation Na Ho To Kia Karain? Aap Ye Kerain Kay Apnay Workout Equipment Kay Nazdeek Timer Laga Dain. Yani Jab Aap Ka Exercise Ka Time Ho To Yeh Timer Ring Karay Aur Aap Ko Yaad Ajaey Kay, It’s The Time To Do Something Exciting.

Need Of An Anchor

Gym Main Workout Main Music Anchor Ka Part Ada Kerta Hay. Koi Song Aisa Hota Hay Kay Usay Suntay Hoay Aap Main Ziada Energy Aajati Hay Aur Aap Exercise Kay Liye Motivate Ho Jatay Hain.

Phir Apnay Sath Kuch Aisi Cheez Bhi Rakhain Jo Aap Ko Motivation Day. Aap Wrist Band Ya Chain, Ya Ring Say Bhi Khud Ko Kisi Kaam Kay Liye Boost Rakh Saktay Hain.

Khud Ko Active Aur Motivate Rakhnay Kay Liye Aap Ko Apnay Maqsad Say Committed Aur Focused Rehna Hoga. Aap Ki Life Main Discipline Hi Aap Ko Kamiyab Insaan Bana Sakta Hay, Kuch Kernay Say Pehlay Plan Karain Aur Phir Dekhain Kay Kaisay Kamiyabi Aap Kay Qadam Choomti Hay.

Share.

Leave A Reply