Sunday Ki Subah Netherland Nay Pakistan Ko Semi-Final Main Puhncha Kar Ahssan Kiya Tu Pakistan Nay Dupahar Tak Us Ka Badla Bhi Chuka Diya.

Aap Soch Rahay Hon Gay Kay Netherland Ka Tu Samajh Ata Hay, Magar Pakistan Nay Netherland Par Kaun Sa Ahsaan Kar Diya?

South Africa Kay Khilaaf Jeet Kar Maidan Say Bahar Jatay Hue Dutch Captain Nay Babar Azam Say Kaha Tha Kay 'Apni Jeet Ko Yakeeni Banana, Taakay Hum Points Table Par 4th Aa Ajaein.'

Aisa Is Liye Kaha Gaya Kiyunke 2024 Main Honay Walay Next T20 World Cup Khelnay Wali 8 Teams Ka Faisla Isi World Cup Ki 12 teams Main Say Hona Hay.

To Jab Pakistan Nay Bangladesh Ko Haraya, To Netherland Group 2 Kay Points Table Par 4th Number Par Aa Gaya. Yani Group Two Ki Un 4 Teams Main Shaamil Ho Gaya Jinhain Next World Cup Khelna Kay Liye Qualifying Round Say Nahi Guzarna Paray Ga.

شیئر

جواب لکھیں