Pakistan Super League 2023 Mein Sub Teams Nay At Least 1,1 Match Khel Lia Hay. First Impression Kaisa Raha? Aayen Is Baray Mein Baat Kartay Hain.
Quetta Gladiators
Sub Say Pehlay To Karachi Kings Aur Quetta Gladiators Ki Baat Karlain. Donon Nay Bara Hi Mayoos Kia. Karachi To Chalain Peshawar Zalmi Kay Against Last Ball Tak Lay Kar Gaya, Laikin Quetta Gladiators Nay To Ye Season Waisay Hi Start Kia Hay Jaisay Last Season End Kia Tha. Multan Sultans Kay Against Match Mein Mighty Battling Line Sirf 110 Runs Par Dher Hogai.
Khair, Sirf 1 Match Ki Bunyad Par Kisi Team Ko Judge To Nahi Kar Saktay Laikin Phir Bhi Quetta Ko Khud Ko Uthana Hoga. Warna Jason Roy, Martin Guptill Aur Iftikhar Ahmed Ki Team Ko Bara Nuqsan Puhanch Sakta Hay.
Karachi Kings
Chalain, Last Season Mein To Babar Azam Captain Thay, Aur Kk Apnay 10 Mein Say 9 Match Haara. Laikin Ab To Babar Bhi Nahi, Phir Aisa Kyun? Khair, Karachi Nay Peshawar Kay Against First Match Mein To Buhat Jaan Larai. Laikin Zalmi Phir Bhi 2 Runs Say Jeet Gaey. Laikin Islamabad United Kay Against Muqablay Mein Karachi Ki Aik Nahi Chali. Islamabad Nay 174 Runs Ka Target 6 Wicket Girnay Kay Baad Bhi Aisay Haasil Kia, Jaisay Koi Masla Hi Nahi. To Karachi Kings Ko Ab Kuch Karna Paray Gya, Warna Last Season Ki Kahani Repeat Ho Jaey Gi.
Lahore Qalandars
Lahore Defending Champion Hay, Bowling Electric Aur Batting Explosive. Aur First Match Hi Mein Ye Baat Sabit Bhi Ki. Multan Sultans Jaisi Mazboot Team Kay Against Unhon Nay Kamal Ki Performance Di Aur Last Ball Par Sirf 1 Run Say Match Jeet Kar Sabit Kar Dia Ke Wo Defending Champion Ka Title Usay Deserve Karta Hay. Waisay Fakhar Zaman Ki Innings Lahore Kay Liay Acha
Peshawar Zalmi
Babar Azam Ki Team, Jis Ka Karachi Kay Against Match Aik New Rivalry Ko Janam Day Chuka Hay. Tense Environment Mein Honay Wala Ye Match Bhi Last Ball Tak Gaya Aur Zalmi Nay Sirf 2 Wickets Say Kamyabi Haasil Ki. Is Mein Jahan Karachi Kings Ki Mistakes Bhi Hongi, Laikin Tom Kohler-Cadmore Ki Performance Ki Jitni Tareef Ki Jaey Kam Hay. Unhon Nay Aatay Hi Ailan Kardia Hay Ke Mujh Se Daro!
Multan Sultans
Sultans To Phir Sultan Hain. Last 2 Seasons Kay Runners Up Nay Start Hi Zabardast Lia, Aik Sansani-Khez Muqablay Kay Baad Unhain Lahore Say 1 Run Say Shikast To Hui Laikin Phir Bhi Ye Aisi Defeat Nahi Thi Jisay Nakaami Kaha Jaey. Yahi Next Match Mein Sultans Nay Sabit Kia. Quetta Kay Against Unhon Nay 9 Wickets Ki Zabardast Jeet Haasil Ki Aur Apnay Net Run Rate Ko Aasman Par Puhancha Dia. Is Waqt Multan Top Of The Table Hain.
Islamabad United
#Dimaghse Khelnay Wala Islamabad, Jo Sub Say Zyada 2 Martaba PSL Champion Reh Chuka Hay. Aur Season 8 Mein Bhi Ak Jandaar Start Lia Hay. Karachi Kings Kay Against 174 Runs Ka Target Jis Tarah Chase Kia Hay, Wo Zahir Karta Hay Ke Islamabad Team To Beat Hay.
To PSL 8 Mein First Impression Islamabad United Aur Multans Sultans Ka Buhat Tagra Raha Hay.