Har Saal December Atay Hi Pakistan Mein Bohat Se Logon Ke Dil Aik Painful Event Ki Yaad Mein Doob Jatay Hain. Fall Of Dhaka Ke Zakhm Phir Haray Ho Jatay Hain. East Pakistan Ke Bangladesh Ban’nay Par Behas Ki Jati Hai. Sawal Uthaye Jatay Hain Ke Kya Hum Aaj Bhi Wohi Ghalatiyan Tou Nahi Dohra Rahay Jinhon Ne Country Ko 2 Tukre Kya.

East Pakistan Ki Separation Ka Zimmedar Kaun?

Pakistan Ke EX Army Cheif General Qamar Bajwa Ne Kuch Din Pehlay Aik Event Mein Khitaab Kartay Huye Kaha Tha Ke East Pakistan Ki Separation Military Nahi Political Failure Thi. Un Ke Bayan Ne Aik Baar Phir Blame Aik Dusray Per Dalnay Ka Silsila Shuru Kar Diya. Historical Facts Dekhen To Complete Responsibility Kisi Individual Ya Institute Ko Nahi Di Ja Sakti. Yeh Barson Tak Paknay Wala Lava Tha Jo 1971 Mein Phat Kar Sab Kuch Destroy Kar Gaya.

Frustration

Pakistan Bannay Ke Foran Baad Se East Pakistan Mein Frustration Paida Honay Lagi Thi. Karachi Ko Federal Capital Banaya Gaya. Puri Federal Government Ka Structure, Key Institutes Bhi  West Pakistan Mein Thay. Total Population Main Bangala Ka Hisa 56% Honay Ke Bawajood Army, Federal Civil Service Aur Policy Making Institutes Main Bengal Ki Representation Na Honay Ke Barabar Thi.

Sab Baray Businesses Bhi West Pakistan Main Thay. Resources Ki Distribution Par Bhi Complaints From The Very First Day Shuru Ho Gayi Theen. 1951-52 Ke Budget Par Discussion Ke Dauran Bengal Ke Chief Minister Noor-ul-Amin Ne Complaint Ki Ke Un Ke Province Ko Us Ke Dur Rights Aur Revenue Nahi Diya Ja Raha.

Language Issue

Raftar Bharne Do
Quaid-e-Azam Dhaka Main

Quaid-e-Azam Muhammad Ali Jinnah Ka Intqaal Pakistan Ban’nay Ke Aik Saal Baad Hi Hogaya Tha. Urdu Ko Sole National Language Announce Karnay Per East Pakistan Mein Unrest Un Ki Life Hi Mein Start Ho Gaya Tha. Is Conflict Ki Wajah Se Bengali National Stream Se Mazeed Door Huvay. Nationalists Ko Awam Ke Sentiments Bharkanay Ka Mauqa Mila. Thousands Of Miles Apart Honay Ke Bawajood Pakistan Ke Dono Arms Islam Ke Rielation Se Jurey Thay.

Jab Pakistan Ban’nay Ke Baad Rulers Ne Islam Aur Islamic System Mein Interest Hi Nahi Dikhaya To Phir Yeh Rishta Meaningless Honay Laga. Bengal Ke Educational Institutes Mein Hindu Teachers aur Professors Bari Tadaad Mein Thay Jo Youth Ke Zehen Mein Nafrat Aur Nationalism Ko Embed Kar Rahay Thay. India Se Anay Wala Literature Fire Main Fuel Add Kar Raha Tha. Doosri Janib West Pakistan Mein Aisa Atmosphere Bana Diya Gaya Tha Ke Bangal Se Talluq Rakhnay Walon Ko Inferior Aur Despicable Samjha Jata Tha. Un Ki Intelligence, Patriotrism Aur Ability Per Doubt Kiya Jata Tha.

Disparity

Raftar Bharne Do
Khwaja Nazimuddin

East Pakistan Ki Population Ziyada Honay Ki Wajah Se West Pakistan Ki Bureaucracy Aur Military Leadership Ko Yeh Fear Bhi Tha Ke Agar Political System Democratic Way Mein Chala To Bangali Rule Karnay Lagen Gay. Isi Wajah Se Bangal Se Talluq Rakhnay Walay Prime Minister Khwaja Nazimuddin Ko Punjab Se Talluq Rakhnay Walay Governor General Ghulam Mohammad Ne Dismiss Kar Ke Aisi Tradition Shuru Ki Jis Ke Baad Democratic Governments Ke Qatal Ka Silsila Chal Nikla.

Un Ke Baad Mohammad Ali Bogra Ki Hukoomat Dissolve Ki Gayi. Un Ki Governmt 1954 Ka Constitution Manzoor Karne Jarahi Thi Jis Mein Governor General Ke Powers Kam Kiye Janay Thay. Magar Ghulam Mohammad Ne Un Ko Hata Kar Dictatorship Ki Roots Mazboot Keen. Is Ke Fauri Baad One Unit Ka Nifaz Kar Diya Gaya Jis Ke Tehat National Assembly Mein East Aur West Pakistan Ki Representation Population Ke Bajaye Barabar Barabar Kar Di Gayi. In Steps Ka Result Yeh Nikla Ke East Pakistan Ke Political Elements Aur Educated Logon Ne Yeh Feel Karna Shuru Kiya Ke West Pakistan Ke Logon Ne Power Par Qabza Kar Liya Hay Aur Un Ka Province Sirf Aik Colony Ban Kar Reh Gaya Hai. Is Ehsas Ko 1958 Ke Martial Law Aur Ayub Khan Ki 10 Sala Dictatorship Ne Mazeed Consolidate Kya.

Ayub’s Rule

Raftar Bharne Do
Ayub Khan Aur Zulfiqar Ali Bhutto

Ayub Khan Aleegedly East Pakistan Ko Burden Samajhney Lagey Thay. Un Ke Law Minister Justice Mohammad Munir Ne Apni Book ‘From Jinnah To Zia’ Mein Likha Hai Ke Ayub Khan Chahtay Thay Ke Bengal Separate Ho Jaye. Isi Zamane Mein East Pakistan Mein Awami League Ke Sheikh Mujeeb Most Popular Leader Ban Chukay Thay.

1965 Mein Mohtarma Fatima Jinnah Ne Ayub Khan Ke Muqablay Mein Presidential Election Lara To Sheikh Mujeeb Ne Un Ki Saath Diya. Fatima Jinah Bengal Se Jeet Gayeen Lekin Ayub Khan Ne Unhein Indian Agent Qarar Diya. Fatima Jinah Ko West Pakistan Mein Rigging Aur Dusray Means Se Hara Kar Ayub Khan President Banay Rahay. Fatima Jinah Ki Defeat Ne Bengal Ke Awam Mein Mazeed Disappointment Peda Ki. Is Ke Baad Mujeeb-ur-Rahman Ke 6 Points Samnay Aaye Jis Mein Unhon Ne Federal Parliamentary System Aur Provincial Autonomy Demand Ki.

Historical Sources Se Pata Chalta Hai Ke Sheikh Mujeeb Ko India Ki Support Bhi Haasil Thi. India Musalsal Conspiracies Kar Raha Tha Ke East Pakistan Ke Awam Mein West Pakistan Se Itni Nafrat Peda Kar Di Jaye Ke Woh Alag Hokar Dobarah India Mein Shaamil Ho Jayen. Facts Main Exaggeration Aur Propaganda Ke Zariye Bengal Ke Awam Ka Frustration Is level Ko Pohncha Diya Gaya Ke Sheikh Mujeeb Ke 6 Points Hi Unhein Apnay Problems Ka Single Solution Nazar Anay Lagay.

Ayub Khan Ne Talks Ke Liye Round Table Conference Bulai Magar Koi Positive Result Na Nikal Saka. Musalsal Political Turmoil Aur Deteriorating Health Ki Wajah Se Woh Power Yahya Khan Ko De Kar Chalay Gaye. Is Ke Baad United Pakistan Ki Destruction Ki Story Ka Darkest Chapter Shuru Hua.

The Last Straw

Fall Of Dhaka, East Pakistan Separation
East Pakistan Se Bangladesh Tak 1

Decemeber 1970 Mein Honay Walay Elections Mein Awami League Ne 300 Mein Se 160 Seats Haasil Keen. Zulfiqar Ali Bhutto Ki Pakistan Peoples Party 80 Seats Le Saki. Yani Prime Minister Ki Post Seikh Mujeeb Ko Milni Chahiye Thi Lekin Yahya Khan Aur Zulfiqar Ali Bhutto Ne Aisa Nahi Honay Diya. Agarchay 1970 Ke Elections Main Bhi Sheikh Mujeeb ur Rehman Ne Separation Ka Naara Nahi Lagaya Tha Ke Balkay Unhon Ne “6 Points Per Bhi Amal Ho Ga Aur Pakistan Bhi Aik Rahay Ga” Ka Bayan Tak Diya.

Chahay Un Ki Irntentions Kuch Bhi Hon, Lekin Un Ke Is Bayan Se Itna Andaza Zaroor Hota Hai Ke East Pakistan Ke Awam Mein Us Waqt Bhi Pakistan Mukhalif Sentiments Itnay Ziyada Nahi Thay, Woh West Pakistan Ki Army Aur Bureaucracy Ke Khilaf Zaroor Thay Aur Apna Legal Aur Constitutional Right Zaroor Mangtay Thay Lekin Wo Federation Of Pakistan Ke Khilaaf Nahi Thay Yahi Wajah Thi Ke Mujeeb Ko Is Tarha Ke Bayanaat Bhi Jari Karne Parray.

25 March 1971 Ko East Pakistan Mein Military Operation Se Pehlay Awami League Ki Central Working Committee Ke Session Mein Pakistan Se Separatiuon Ke Hawalay Se Discussion Ke Baad Majority Ne Pakistan Ke Saath Rehne Aur Usay Barqarar Rakhnay Ka Opinion Diya. Is Mein Sirf Awami League Ki Supportive Student Organization ‘Chattra League’ Ki Central Committee Ne Pakistan Ke Khilaf Raye Di. Is Liye Ye Kehna Ke Wo Operation Ke Start Se Pehlay Hi Alehadgi Chahtay Thay Durust Nahi. Oopar Se Elections Ke Baad Zulfiqar Ali Bhutto Ki Stubbornness Bhi Last Straw Ban Gayi.

Raftar Bharne Do
Pak Army Ke Commander General AK Niazi India Ke Samnay Surrender Kartay Huvay.


Testimony Of History

Khurram Murad Sahib Apni Kitaab ‘Lamhaat‘ Mein Likhte Hain Ke “Yeh Sawal Baar Baar Samnay Aata Hai Ke ‘Kya Mujeeb ur Rehman Pakistan Ke Liye Sanjeeda Thay, Aur Kya Un Ko Iqtidaar Day Diya Jata To Pakistan Aik Rehta?’

Hamara Usooli Muaqqaf Yeh Tha Ke Chunkay Intikhabaat Ho Gaye Hain, Assembly Mein Awami League Ki Aksariyat Hai, Is Liye Awami League Ko Iqtidaar Muntaqil Kar Diya Jaye. Lekin Is Saaf Usooli Muaqqaf Ke Bawajood Mein Bhutto Sahib Ki Is Baat Ko Bilkul Be Wazan Nahi Samjhta, Jis Ke Mutabiq Is Baat Ka Bara Khatrah Tha Ke Awami League Assembly Ke Ijlaas Mein Anay Ke Baad Pakistan Tornay Ki Qarardad Paas Kar Deti. Phir Is Ke Baad Kisi Ke Bhi Bas Mein Nahi Tha Ke Public Ke Numayndon Ke Faislay Ko Qanooni Tor Par Rok Sakay. Jabkay Yeh Assembly Dastoor Saaz Thi .

Phir Yeh Khauf Bhi Paaya Jata Tha Ke Pakistan Ko Apne Wasail aur Zaraye Mein Se Alaag Honay Walay Hissay Ko Asasay Denay Partay. Misaal Ke Tor Par Khazana, Asleha, Hawai Jahazon, Fauji Saman Aur Asasa Jaat Mein Adhay Se Ziyada Hissa Ada Karna Parta Kyunkay Assembly Ki Qarardad Se Yeh Aik Qanooni Aur Dastoori Kaarrawai Hoti. Is Ke Bar Aks Baghaawat Ke Nateejay Mein Alahdgi Mein Yeh Zimmay Daari Na Hoti. Mumkin Hai Ke Maghribi Pakistan Ke Faisla Saaz Logon Ko Samnay Yeh Baat Bhi Ho, Is Liye Who ‘Be Daam Alahdgi’ Ko Apne Hissay Ke Liye  ‘Nafa Bakhsh Soda’ Tasawwur Karte Hon Ge.”

Share.

Leave A Reply