2023 Movies Kay Liay Aik Zabardast Saal Hoga, Kyunke Buhat Si Aisi Movies Aa Rahi Hain Jin Ka Next 12 Maheenon Mein Shiddat Say Intizar Raha Ga. Most Anticipated Movies of 2023 Mein Marvel Say DC Extended Universe Tak, Kai Super-Hero Movies Bhi Hon Gi To Blockbuster Franchises Kay Sequels Aur Prequels Bhi Hon Gay. Aayen Aap Ko Batatay Hain Un Movies Kay Baray Mein Jo Hamaray Khayal Mein 2023 Ki Best Movies Bhi Ho Sakti Hain.
Dune: Part II
Personally, Hamain Jis Movie Ka Sab Say Zyada Intizar Hay, Wo Dune: Part II Hoga. Aur Aakhir Ye Intizar Kyun Na Ho? Duna Nay 2021 Mein Tehelka Macha Dia Tha. Aur Ab To Sabhi Jan’na Chahtay Hain Ke Paul Atreides Ki Kahani Kahan Tak Puhanchay Gi, Kya Wo Fremen Kay Lifestyle Ka Hissa Ban Sakay Ga? Aur Sab Say Barh Kar Ye Ke Kya Wo Chani Kay Qareeb Aa Sakay Ga?
Ye Film 2023 Mein Zara Late Aaey Gi, November 2023 Mein. At Least Dune Dekhnay Walay To Ye Intizar Kar Hi Lain Gay, Laikin Kya Ye Movie Worth Waiting For Hogi? Ye Aanay Wala Waqt Bataey Ga. Umeed To Yahi Hay, Director Denis Villeneuve Ki Movies Kabhi Halki Nahi Hoteen.
Guardians Of The Galaxy Vol. 3
Laikin November Say Pehlay Hamain Buhat Kuch Dekhnay Ko Milay Ga, Jis Say Dune: Part II Ka Intizar Karna Aasan Ho Jaey Ga. Maslan May Mein Hum Dekhain Gay Guardians Of The Galaxy Ki 3rd Movie, Jo MCU Ki 32nd Film Hogi. James Gunn Ki Direction Mein Ban’nay Wali Is Movie Mein Hamain Adam Warlock Ka Character Bhi Nazar Aaey Ga, Jis Ki Vol. 2 Kay Aakhir Mein Sirf Jhalak Dikhai Gai Thi. Baqi Kya Hoga? Us Kay Liay 4 Maheenay Wait Karna Paray Ga. Aik Jhalak Is Trailer Mein Bhi Mil Sakti Hay:
Indiana Jones And The Dial Of Destiny
80s Mein Indiana Jones Ki 3 Movies Aai Theen, Jinhon Nay Bara Udham Machaya Tha. Laikin Phir Ye Silsila Ruk Gaya. 2008 Mein Ja Kar Indiana Jones And Kingdom Of The Crystal Skull Aai Aur Ab 15 Saal Baad 2023 Mein Aaey Gi: Indiana Jones And The Dial Of Destiny.
James Mangold Ki Directed Is Movie Mein 1969 Dikhaya Jaey Ga, Yani Wo Zamana Jis Mein Space Race Apnay Urooj Par Thi, Laikin Is Film Ki Kahani Hay American Government Mein Kaam Karnay Walay Former Nazis Par.
Waisay Film Ki Cast Dekhnay Wali Hay: Harrison Ford To Indiana Jones Kay Roop Mein Hain Hi, Un Kay Saath Phoebe Waller-Bridge, Mads Mikkelsen Aur 13th Warrior Antonio Banderas Bhi Hongay.
Oppenheimer
Christopher Nolan Ki Koi Aisi Movie Bhi Hogi Jis Ka Shiddat Say Intizar Na Kia Jata Ho?
Memento Say Batman Trilogy, Aur Inception Say Interstellar Tak, Aik Say Barh Kar Aik Movies Bananay Walay Nolan 2023 Mein Oppenheimer Kay Sath Aayen Ga.
Ye J. Robert Oppenheimer Ki Biopic Hogi, Jinhain "Father Of The Atomic Bomb” Kaha Jata Hay. Un Ka Kirdaar Cillian Murphy Ada Karain Gay. Baqi Cast Bhi Kisi Say Kam Nahi. Movie Mein Hamain Aik Say Barh Kar Aik Actor Nazar Aaey Ga, Jaisa Ke: Florence Pugh, Emily Blunt, Matt Damon, Robert Downey Jr., Rami Malek Aur Josh Hartnett. Ye Star-Studded Movie Dekhna To Banta Hay Boss!
Mission: Impossible - Dead Reckoning, Part One
Mission: Impossible Series Ki Ye 7th Movie July 2023 Mein Release Hogi. Abhi Tak Is Kay Plot Kay Baray Mein Kuch Bataya To Nahi Gaya, Laikin MI Ka To Matlab Hi Yahi Hay: Zabardast Action, Shandaar Stunts Aur Khatarnaak Chase.
Movie Mein Mission: Impossible Kay Kai Familiar Chehray Nazar Aayen Gay: Simon Pegg Benji Dunn, Rebecca Ferguson Ilsa Faust, Ving Rhames Luther Stickell Aur, Of Course, Tom Cruise Ethan Hawk Kay Kirdaar Mein.
Is Movie Ka 2nd Part 2024 Mein Release Hoga Jis Kay Baray Mein Kaha Ja Raha Hay Ke Is Mein Tom Cruise Aakhri Martaba Ethan Hawk Banain Gay.
John Wick: Chapter 4
Mission: Impossible Say Milti Julti, Ridiculous Laikin Full Of Action Movie Hay John Wick, Jis Ka Chapter 4 March 2023 Mein Samnay Aaey Ga. Is Movie Kay Baray Mein Zyada Details Nahi Di Gaeen, Laikin Ye To Hum Jantay Hain Ke Keanu Reeves John Banain Gay. Dekhtay Hain Is Martaba Wo Apnay Naey Aur Puranay Dushmanon Kay Sath Kya Kartay Hain.
Ant-Man And The Wasp: Quantumania
Ye Latest Ant-Man Aik Saal Delay Honay Kay Baad 2023 Mein Release Ho Rahi Hay. Ant-Man Series Ki Is 3rd Aur MCU Ki 31st Film Mein Paul Rudd Scott Lang Ya Ant-Man Banain Gay. Is Movie Mein Wo Wasp Yani Hope Van Dyne Kay Sath Mil Kar Quantum Realm Ko Explore Karain Gay, Jahan Un Ka Muqabla Aik Time-Travelling Aur Multi-Dimensional Villain Kang The Conqueror Say Hoga. Ye Movie Jald Hi Aa Jaey Gi, February Kay Mid Mein Hi.
Spider-Man: Across The Spider-Verse
2018 Ki Spider-Man: Into The Spider-Verse Aik Hit Movie Thi, Balke Oscar Tak Jeet Gai Thi Isi Liay Is Silsilay Ki Next Film Ki Hype To Abhi Say Bani Hui Hay. Spider-Man: Across The Spider-Verse Ko 2022 Mein Release Hona Tha, Laikin Ab Ye 2 June 2023 Mein Samnay Aaey Gi.
First Movie Ki Tarah Is Ki Kahani Bhi Alternate Realities Rakhnay Wali Aik Multiverse Mein Chalay Gi, Jisay Spider-Verse Ka Naam Dia Gaya Hay. Yahan Kai Spider Heroes Ka Muqabla Hoga Aik Powerful Villain Say.
The Marvels
Jee Haan! 2023 Ki Aik Aur Marvel Movie Aur MCU Ki 33rd Film 🤦🏽♂️. Ye Captain Marvel Ka Sequel Hay Aur Is Mein Captain Marvel, Ms Marvel Aur Monica Rambeau Aik Doosray Ki Powers Istemal Karti Nazar Aayen Gi. Hoga Kya? Ye Movie Dekh Kar Hi Pata Chalay Ga.
Waisay Is Movie Ki Aik Khaas Baat Ye Hay Ke Isay Nia Dacosta Nay Direct Kia Hay, Yani Wo Marvel Studios Ki Koi Movie Direct Karnay Wali First Black Woman Ban Gai Hain.
Wonka
Aap Nay Charlie And The Chocolate Factory To Dekhi Hi Hogi. Kabhi Na Kabhi Zehn Mein Ye Sawal To Aaya Hoga Ke Aakhir Willy Wonka Willy Wonka Banay Kaisay? Is Movie Mein Isi Sawal Ka Jawab Dia Jaey Ga. Yani Ye Aik Prequel Hogi.
Is Movie Mein Timothée Chalamet Wonka Banay Hain Aur Un Kay Saath Hongay Olivia Colman, Sally Hawkins, Keegan Michael-Key Aur Rowan Atkinson, Jee Haan! Mr. Bean Pakistan Ko T20 World Cup Haranay Kay Baad Ab Is Movie Mein Nazar Aayen Gay. Ye Aik Musical Fantasy Hogi, Jo Next Christmas Say Pehlay Release Hogi, Yani Is Kay Aanay Mein Abhi Poora Saal Para Hay.
Barbie
Waisa Keh Raha Hain Naya Saal Barbie Ka Hoga. Barbie Mein To Shayad Sab Ko Itni Dilchaspi Na Ho, Laikin Margot Robbie Ko Kaun Nahi Dekhna Chahay Ga? Jo Is Movie Mein Barbie Bani Hain Aur Ryan Gosling Nay Ken Ka Roop Lia Hay. Abhi Movie Release Mein 7 Months Baqi Hain, Laikin Social Media Par Abhi Say Is Par Buhat Baat Ho Rahi Hay.
Is Film Ki Kahani Ye Hay Ke Barbie Ko Barbie Land Say Nikaal Dia Gaya Hay Aur Wo Real World Mein Aa Gai Hay. Phir Kya Hota Hay? Is Kay Liay July 2023 Tak Intizar Karna Hoga.
The Flash
The Flash Aik Aisi Movie Hai Jiska DC Comic Fans Ka Kaafi Time Se Intezar Hai. Ezra Miller Star Kar Rahe Hein As Barry Allen/The Flash, Michael Keaton Ka 1992 Ke Bad Comeback As The Batman Sath Mein Ben Affleck Bhi Shamil Hain. Is Movie Mein 2 Flash Aur 2 Batman Hon Gay. Supergirl Ka Bhi Introduction Hoga Jo Play Kar Rahi Ek Latina Actress Sasha Calle. DC Studios Kay New Co-Chairmen And Chief Executive Officers James Gunn And Peter Safran Nay Announce Kiya Hay Ke Wo DC Cinematic Universe Ko Completely Reboot Kar Rahay Hain. To Samjhain Ke The Flash Ko Aik Turning Point Samjha Ja Raha Hay.
Waisay Aap Batayen, Aap Ko Sab Say Zyada Kis Movie Ka Intizar Hay?