Aakhir Kaun Sa Mulk Hoga Jis Ka Khwab Na Ho Ke Wo World Cup Trophy Uthaey? Choorian Pehn Kar To Koi Bhi Qatar Nahi Aaya, Sab Jeetnay Kay Liay Hi Aaey Hain, Laikin Masla Ye Hay Ke Champion Sirf Aik Team Hi Ban Sakti Hay. Ab To Har Din Koi Na Koi Tournament Say Bahar Hota Ja Raha Hay. Aur Saturday Tak 32 Mein Say Sirf 16 Teams Reh Jaen Gi Jo Knockout Stage Mein Jaen Gi. Is Waqt Hisab Kitab Shuru Ho Chuka Hay Ke FIFA World Cup Qualifying Scenarios Kya Hain.

FIFA World Cup Qualifying Scenarios
(Photo: AFP)

Laikin Pehlay Dekhain Ke Kaun Kaun Bahar Ho Chuka Hay? Group A Say Host Qatar Aur Ecuador, Group B Say Iran Aur Wales, Group C Say Mexico Aur Saudi Arabia Aur Group D Say Tunisia Defending Champion France Ko Hara Kar Bhi Next Round Kay Liay Qualify Nahi Kar Paya. Aur To Aur One Of The Top 10 Favourites Denmark Last Match Mein Australia Say Haar Kar World Cup Say Bahar Ho Chuka Hay.

Yani 4 Groups Ka Faisla Ho Chuka Hay Aur 4 Ab Bhi Baqi Hain, Jin Mein Last Matches Faisla Karain Gay Ke Kaun Pre-Quarter Finals Khelay Ga. Aaen FIFA World Cup Qualifying Scenarios Par Aik Nazar Daltay Hain.

Group E

Is Group Say To Sab Chahtay Hain Ke Germany Aur Spain Aagay Jaen. Spain To Phir Buhat Achi Position Par Hay, Especially First Match Mein Costa Rica Ko 7-0 Say Haranay Kay Baad. Apnay Last Match Mein Spain Ko Japan Kay Khilaf Sirf Draw Khelnay Ki Zarurat Hay, Aur Wo Knockout Round Mein Hoga.

Japan Ki Performance Ajeeb Si Rahi Hay. Germany Ko Haraya Laikin Costa Rica Say Haar Gaya. Ab Last Match Mein Usay Aik Herculean Task Karna Hay, Yani Spain Ko Harana Hay. Agar Japan Giant-Killer Ban Gaya Aur Germany Kay Baad Spain Ko Bhi Hara Dia To Next Round Pakka!

Haan! Agar Japan-Spain Match Draw Ho Gaya To Germany Kay Haarnay Par Bhi Wo Goal Difference Par Aagay Ja Sakta Hay.

FIFA World Cup Qualifying Scenarios
Germany, Is World Cup Ki Sab Say Sharamnaak Performance (Photo: AP)

Is World Cup Mein Germany Nay To Buhat Zyada Mayoos Kia. Japan Say Haara, Spain Say Barabar Khela Aur Ab Last Match Mein Usay Costa Rica Say Lazmi Jeetna Hay Aur Phir Intezar Bhi Karna Hay Ke Spain Japan Ko Haraey. Agar Spain-Japan Match Draw Ho Gaya To Unhain Costa Rica Ko Minimum 2 Goals Kay Difference Say Harana Hoga.

Points Table

MWDLPts.
Spain21104
Japan21013
Costa Rica21013
Germany20111

Group F

Yahan Canada Ka Kaam To Pehlay Hi Tamam Ho Chuka Hay. Yani Ab Muqabla Hay Baqi 3 Teams Mein: Croatia, Morocco Aur Belgium. Belgium To World No. 2 Hay, Is Group Mein Pehlay Number Par Aana Chahiye Tha Laikin Morocco Kay Hathon Buri Tarah Haar Gaya. Ab Last Match Mein Usay Croatia Ka Samna Karna Hay, Aur Lazmi Jeetna Hay.

FIFA World Cup Qualifying Scenarios
Morocco Ko Sirf Canada Ko Harana Ya Draw Karna Hay Aur Wo Round Of 16 Mein Hoga (Photo: Getty Images)

Croatia Kay Liay Ye Match Sirf Draw Karna Hi Kafi Hoga. Jabke Morocco Ko Bhi Canada Kay Against Sirf Draw Karna Hoga Aur Wo Next Round Mein Hoga.

Points Table

MWDLPts.
Croatia21104
Morocco21104
Belgium21013
Canada20020

Group G

Brazil Apnay Last Match Say Pehlay Hi Qualify Kar Chuka Hay. Baqi Teams Mein Switzerland Ko Last Match Mein Serbia Ko Lazmi Harana Hoga, Aur Serbia Ko Bhi, Yani Ye Virtual Knockout Match Hay.

FIFA World Cup Qualifying Scenarios
Brazil Aur Portugal Is World Cup Ki Only Teams Hain Jinhon Nay Apnay Saray Matches Jeetay Hain (Photo: Getty Images)

Haan! Agar Upset Hojata Hay Aur Last Match Mein Cameroon Brazil Ko Hara Deta Hay To Goal Difference Important Ho Jaey Ga. Cameroon Kay Liay Halaat Zara Mushkil Hain, Unhain Sab Say Mushkil Kaam Karna Hay.

Points Table

MWDLPts.
Brazil22006
Switzerland21113
Cameroon20111
Serbia20111

Group H

Ab Last Group, Jahan Say Portugal Pehlay Next Round Mein Ja Chuka Hay. Laikin Baqi Sab Teams Kay Liay Maidan Khula Hay, Sirf Aik Spot Kay Liay 3 Teams Lar Rahi Hain. Aik Taraf Ghana Hay Jisay Uruguay Say 2010 Ka ‘Badla’ Laina Hay. Yahan Jeet Usay Aagay Lay Jaey Gi. Laikin Draw Bhi Kia To Umeed Hogi Ke Portugal Apnay Last Match Mein South Korea Ko Hara Kar Apnay Sath Round Of 16 Mein Lay Jaey Ga.

FIFA World Cup Qualifying Scenarios
Portugal, Is World Cup Ki Aik Aur Undefeated Team (Photo: AFP)

South Korea Portugal Ko Aik Say Zyada Goals Kay Difference Say Hara Kar Qualify Karnay Kay Khwab Dekh Raha Hay.

Points Table

MWDLPts.
Portugal22006
Ghana21013
South Korea20111
Uruguay20111

Waisay Uruguay-Ghana Match Treat To Watch Hoga. Aik To History, Ooper Say Match Ki Importance, Ye Donon Mil Kar Is Match Ko Important Bana Rahi Hain.

Ab Dekhna Ye Hay Ke Kaun Aagay Jaey Ga Aur Kaun Bahar Hoga?

Share.

Leave A Reply