Hum To Multan Sultans Ki Bowling Ko ‘Homeopathic’ Keh Rahay Thay, Laikin Asal Mein Ye “Award” Jata Hay Peshawar Zalmi Ko. PSL Season 8 Mein Worst Bowling Zalmi Bowlers Nay Dikhai Hay. Kisi Doosri Team Kay Bowlers Itni Buri Tarah Nahi Pitay. Dekhain, Kis Tarah Lahore Qalandars Say 20 Overs Mein 241 Runs Kha Gaey. Jo PSL History Ka One Of The Highest Totals Hay.
Surprisingly Is Match Mein Qalandars Nay First 5 Overs Mein Sirf 27 Runs Banaey Thay, Yani Next 15 Overs Mein Zalmi Bowlers Ko 214 Runs Paray. Ye 14.26 Ka Run Rate Banta Hay. Aur Aisa Pehli Baar Nahi Hua.
Zalmi Ki Bowling Line Ka Haal Season Kay Start Say Hi Buhat Bura Hay. Pehlay Match Mein Hi Unhon Nay Karachi Kings Say 197 Runs Kha Liay Thay. Wo To Shukar Karain Ke Pehlay Kheltay Huay Un Kay Batsman 199 Runs Bana Gaey Thay. Is Liay 2 Runs Say Match To Jeet Gaey, Warna Bowlers Nay Koi Kasar Nahi Chhori Thi.
Laikin Bakray Ki Maan Kab Tak Khair Manati? Next Match Multan Sultans Say Hua Aur Zalmi Bowlers Ko Parr Gaey 210 Runs. Match Bhi Buri Tarah Haara, Pooray 56 Runs Say.
Ye To Bechara Quetta Tha, Jis Ko Peshawar Kay Bowlers 154 Runs Par Roknay Mein Kamyab Ho Gaey, Laikin Jaisay Hi Islamabad United Jaisa Tagra Opponent Aaya, 157 Runs Bhi Defend Nahi Kar Sakay. United Nay Ye Target 15th Over Mein Hi Poora Kar Dia. Yani 10 Runs Per Over Kay Hisaab Say.
Ab Jaisay Jaisay Season Aagay Barh Raha Hay, Peshawari Bowling Ki Peshawari Ice Cream Banti Jaa Rahi Hay. Qalandars Say 241 Runs Khanay Say Un Ki Bowling Line Buri Tarah Expose Ho Chuki Hay.
Is Season Mein 200+ Kay 4 Scores Banay Hain, Jin Mein Say 2 Zalmi Bowlers Kay Khilaf Hain.
200+ Totals In PSL 2023
| Score | vs | venue | ||
|---|---|---|---|---|
| Lahore | 241-3 | Peshawar | Lahore | 26 Feb '23 |
| Islamabad | 220-6 | Quetta | Karachi | 24 Feb '23 |
| Multan | 210-3 | Peshawar | Multan | 17 Feb '23 |
| Peshawar | 201-9 | Lahore | Lahore | 26 Feb '23 |
Allah Janay Aagay Kya Hoga? Khair, Ye Baat To Sabit Ho Gai Ke Peshawar Kay Masla Sirf Babar Azam Ki Kaptaani Nahi, Balke Kamzor Batting Line Bhi Hay.